Problem C
Tölfræði

Murray Christianson var einn afkastamesti skoski stærðfræðingurinn á 19. öld en hann var aðallega þekktur fyrir verk sín í fléttufræði og tölfræði. Meðal þess sem hann hefur gert má nefna Setningu Christanson sem snýr að talningu umraðana og umraðanamynstra. Þrátt fyrir það lagði hann þó ávallt mestu áhersluna á tölfræði og gagnavinnslu. Í hans daga voru engar tölvur sem gátu haldið utan um gígantísk gagnasöfn og unnið með þau, né var til það sem við köllum í dag Big Data. Hann vann þó oft með gríðarlegt magn af gögnum og reiknaði ýmsar niðurstöður í höndunum, þar á meðal alla konunglega tölfræði fyrir Viktoríu drottningu og hirð hennar.

Þegar hann lést árið 1901, sama ár og Viktoría drotting lést og rétt áður en Játvarður VII tók við krúnunni, var hann að vinna við að reikna ýmsa tölfræði yfir nýja hirðmenn konungs. Sumir hirðmenn voru að hætta og nýir ráðnir, og í hvert skipti sem einhverjar breytingar áttu sér stað þurfti hann að reikna aldur yngsta og elsta hirðmanns konungs og meðalaldur þeirra allra.

Til að sýna yfirburði tölva yfir handútreikninga, þá þarft þú að skrifa forrit sem vinnur verk Murray Christianson margfalt hraðar. Í þessu dæmi færðu gefið aldur manneskju $x_ i$ og hvort að hún sé að hætta í hirðinni, táknað með R, eða að byrja í hirðinni, táknað með A. Fyrir hverja breytingu, prentaðu út lægsta og hæsta aldur manneskju í hirðinni og meðalaldurinn.

Inntak

Inntakið byrjar á einni línu sem inniheldur eina jákvæða heiltölu $Q$ sem táknar fjölda breytinga sem eiga sér stað. Því næst fylgja $Q$ línur, ein fyrir hverja breytingu, og á línu $i$ er einn bókstafur, A eða R, og síðan jákvæð heiltala $x_ i$.

Gera má ráð fyrir að aðeins hirðmenn sem eru nú þegar í hirðinni hætta.

Úttak

Eftir hverja breytingu á að prenta út línu sem inniheldur lægsta aldur, hæsta aldur og meðalaldur þeirra sem eru í hirðinni á þeim tímapunkti. Ef enginn er í hirðinni á þeim tímapunkti skal línan innihalda -1 -1 -1. Úttakið er talið rétt ef hver tala er annaðhvort nákvæmlega eða hlutfallslega ekki lengra frá réttu svari en $10^{-4}$. Þetta þýðir að það skiptir ekki máli með hversu margra aukastafa nákvæmni tölurnar eru skrifaðar út, svo lengi sem þær er nógu nákvæmar.

Útskýring á sýnidæmum

Fyrsta sýnidæmið sýnir manneskju með aldurinn $1$ bætta við hirðina og er því lægsti aldurinn $1$, hæsti aldurinn $1$ og meðalaldurinn $1$. Næst er bætt við manneskju með aldurinn $2$ og er þá lægsti aldurinn áfram $1$, hæsti aldurinn $2$ og meðalaldurinn $1.5$. Og þannig gengur þetta koll af kolli.

Í næsta sýnidæmi bætast við manneskjur með aldurinn $2$, $5$ og $2$. Á þeim tímapunkti er lægsti aldurinn $2$, hæsti aldurinn $5$ og meðalaldurinn $3$, eins og sést á þriðju línu í úttakinu. Næst er manneskja með aldurinn $2$ rekin úr hirðinni, en lægsti aldurinn breytist ekki því enn er ein manneskja með aldurinn $2$ í hirðinni. Í lokin er seinni manneskjan með aldurinn $2$ rekin úr hirðinni og breytist því lægsti aldurinn og meðalaldurinn í $5$ því það er aldurinn á einu manneskjunni sem er eftir.

Stigagjöf

Lausnin mun verða prófuð á miserfiðum inntaksgögnum, og er gögnunum skipt í hópa eins og sýnt er í töflunni að neðan. Lausnin mun svo fá stig eftir því hvaða hópar eru leystir.

5
A 1
A 2
A 4
A 5
A 6

1 1 1.000000
1 2 1.500000
1 4 2.333333
1 5 3.000000
1 6 3.600000

5
A 2
A 5
A 2
R 2
R 2

2 2 2.000000
2 5 3.500000
2 5 3.000000
2 5 3.500000
5 5 5.000000

9
A 2
R 2
A 5
A 2
R 2
R 5
A 6
A 7
A 84

2 2 2.000000
-1 -1 -1
5 5 5.000000
2 5 3.500000
5 5 5.000000
-1 -1 -1
6 6 6.000000
6 7 6.500000
6 84 32.333333